02:38 / 07.02.2021
36629
2020 yil pandemiyaga qarshi kurash uchun qancha pul sarflangani ma'lum qilindi
Foto: KUN.UZ

Senatning 5 fevral kuni bo‘lib o‘tgan o‘n ikkinchi yalpi majlisida 2020 yilgi davlat dasturi ijrosi bo‘yicha Vazirlar Mahkamasi hisoboti tinglandi.

Davlat dasturi ijrosi bo‘yicha hukumat hisobotida keltirilishicha, ijtimoiy obektlar qurish, rekonstruksiya qilish va kapital ta'mirlashga 3 trln. 423 mlrd. so‘m, korxonalarni moliyaviy qo‘llab-quvvatlashga 2 trln. 485 mlrd. so‘m, aholini ijtimoiy qo‘llab-quvvatlashni kengaytirishga 1 trln. 340 mlrd. so‘m, sog‘liqni saqlash obektlarini qurish va zarur infratuzilmani yaratishga 1 trln. 22 mlrd. so‘m, mahalliy budjetlar va pensiya jamg‘armasi yo‘qotishlarini qoplashga 595 mlrd. so‘m miqdorida mablag‘lar sarflangan.

Hisobotda, shuningdek, koronavirusga qarshi kurashish bo‘yicha tadbirlarni moliyalashtirishga 3 trln. 962 mlrd. so‘m sarflangani ma'lum qilingan. Gap aynan qanday tadbirlar haqida borganiga aniqlik kiritilmagan.

Ta'kidlanishicha, 2020 yil xorijiy investitsiyalar va kreditlar hisobidan 9,8 mlrd. AQSh dollari miqdorida mablag‘lar o‘zlashtirilgan. 2020 yil 197 ta yirik loyiha ishga tushirilgan. Natijada jami 38 mingdan ortiq yangi ish o‘rinlari yaratilgan.

Yalpi majlisda hukumat hisobotida keltirilgan raqamlarning haqiqatga nechog‘lik yaqinligi, shuningdek, amalga oshirilgan xarajatlar qanchalik maqsadli sarflangani senatorlar tomonidan muhokama qilingan-qilinmagani aniq emas. Parlament yuqori palatasi axborot xizmatining yalpi majlis yakuni bo‘yicha e'lon qilgan rasmiy relizida kun tartibidagi masala yuzasidan Senatning tegishli qarori qabul qilingani ta'kidlangan xolos.

Vazir o‘rinbosari sog‘liqni saqlash tizimida mablag‘lar noqonuniy o‘zlashtirilishi holatlari bo‘yicha izoh berdi

«Mehr-shafqat va salomatlik» jamoat jamg‘armasidagi talon-torojliklar fosh etildi

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top