O‘g‘irlangan mablag‘lar mamlakat iqtisodiyotini qo‘llab-quvvatlash va yadro quroli yaratish dasturini moliyalashtirishga sarflangan.
Shimoliy koreyalik hakerlar 2019 yildan 2020 yil noyabrigacha 300 mln dollardan ortiq pul o‘g‘irlashgan, deb yozadi CNN BMT ekspertlariga tayanib.
Mutaxassislarning hisobotiga ko‘ra, hakerlar qariyb bir yil davomida moliya muassasalari va raqamli valuta almashtiruvchi onlayn-servislarga bir necha marta hujum qilishgan. Natijada ular 316 million dollarni qo‘lga kiritishgan.
O‘g‘irlangan mablag‘lar mamlakat iqtisodiyotini qo‘llab-quvvatlash va yadro quroli yaratish dasturini moliyalashtirishga yo‘naltirilgan.
Mutaxassislarning fikricha, endilikda Shimoliy Koreya "o‘zining har qanday masofaga mo‘ljallangan ballistik raketalarini yadroviy kallaklar bilan jihozlashga qodir".
KXDRning BMTdagi vakillari mazkur hisobot bo‘yicha hozircha izoh berishmagan.
