19:37 / 16.02.2021
4417
KXDRda Janubiy Koreya videomahsulotlarini olib kirganlik uchun o‘lim jazosi belgilandi

Janubiy koreyalik deputatning so‘zlariga ko‘ra, bunday videomahsulotlarni tomosha qilganlik uchun maksimal jazo muddati besh yildan o‘n besh yilgacha oshirildi.

Foto: Jung Yeon-je/AFP

KXDR hukumati mamlakatga Janubiy Koreya videomahsulotlarini olib kirganlik va tarqatganlik uchun jazoni kuchaytirdi. Bu haqda Yonhap agentligiga Janubiy Koreya parlamenti deputati Xa Txe Gyon milliy razvedka xizmati brifingi natijalariga ko‘ra ma'lum qildi.

"Oddiy qilib aytganda, "xallyu" (Janubiy Koreya ko‘ngilochar kontenti) uchun jazo bor. Mamlakatga Janubiy Koreyada ishlab chiqarilgan ko‘ngilochar videomahsulotlarni olib kirganlik va tarqatganlik uchun o‘lim jazosi belgilandi", - deb ta'kidladi.

Deputatning so‘zlariga ko‘ra, bunday videomahsulotlarni tomosha qilganlik uchun maksimal jazo muddati besh yildan o‘n besh yilgacha oshirildi.

Yonhap agentligining yozishicha, ushbu choralar antisotsialistik va KXDR jamiyatidagi "zararli" holatlarga qarshi kurash doirasida kuchaytirilmoqda. Ma'lumot berilishicha, mamlakatda yaqinda reaksion g‘oya va madaniyatlarga qarshi kurashish to‘g‘risidagi qonun kuchga kirgan.

Top