The New York Times nashri birinchi sahifasida koronavirusdan vafot etgan insonlar xotirasiga bag‘ishlangan 500 ming nuqta tasvirini chop etdi.
Sarlavha quyidagicha nomlangan "Yo‘qotishlar: AQShda koronavirusdan vafot etganlar soni yarim millionga yaqinlashmoqda".
Nuqtalar 12 oy ichida o‘lim ko‘rsatkichlari qanday o‘zgarganligini ko‘rsatadi. Katta o‘zgarishlar 2020 yil aprel oyida va 2021 yil qishda bo‘lib o‘tdi. O‘limning maksimal darajasi joriy yilning yanvar, fevral oylariga to‘g‘ri keladi.
Grafika mualliflari odamlarni pandemiya hanuzgacha davom etayotganini unutmaslikka chaqirgan.
Dunyoda 112 million odam koronavirus bilan kasallangan, 87 millioni sog‘aygan, 2,4 million kishi vafot etgan.
Avvalroq JSST mutaxassisi koronavirusning odamlarga yuqish ehtimoli yuqori bo‘lgan versiyasini aytgan edi.
