U yer uchun oldindan 50 mln so‘m va 1500 dollarni olgan vaqtida qo‘lga olingan.
Sotilishi rejalashtirilgan yer aslida «Navoiy savdo» aksiyadorlik jamiyatiga qarashli bo‘lgan. Gumonlanuvchi bu yerni boshqa bir fuqaroga 29 700 dollarga pullamoqchi bo‘lgan.
Bosh prokuratura huzuridagi Iqtisodiy jinoyatchilikka qarshi kurashish departamentining Kun.uz’ga ma'lum qilishicha, firibgar Davlat xavfsizlik xizmatining Navoiy shahar bo‘limi bilan hamkorlikda o‘tkazilgan tezkor tadbirda yer uchun oldindan 50 mln so‘m va 1500 AQSh dollarini olgan vaqtida ashyoviy dalillar bilan ushlangan.
«Mazkur holat yuzasidan Jinoyat kodeksining 168-moddasi (Firibgarlik) bilan jinoyat ishi qo‘zg‘atilgan. Ayni paytda dastlabki tergov harakatlari o‘tkazilmoqda», deyiladi departament xabarida.
- Avvalroq Parkentda besh gektar yerni 1 mln dollarga, Bo‘stonliqda 5 gektar yerni 300 ming dollarga, Bulung‘urda 20 gektar yerni 300 million so‘mga, Sirdaryoda 2,5 gektar yerni 66 mln so‘mga, Sergelida ijaraga olgan 11 sotix yerini 37,5 ming dollarga, To‘raqo‘rg‘onda 80 sotix yerni 29 ming dollarga, Yangiyo‘lda 8 sotix yerni 10 ming dollarga, Bog‘dodda 8 gektar yerni 8 ming dollarga sotmoqchi bo‘lgan shaxslar qo‘lga olingan edi.
