08:54 / 02.03.2021
16199
Saudiya Arabistoni joriy yildagi haj ziyoratining asosiy shartini ma'lum qildi  

Joriy yilda koronavirusga qarshi emlangan ziyoratchilar haj amalini ado eta oladilar. Bunday qarorni Saudiya Arabistoni hukumati qabul qildi.

Foto: AFP / Getty Images

“Hajda ishtirok etishning asosiy sharti koronavirusga qarshi emlanganlik hisoblanadi”, deb aytilgan podshohlik sog‘liqni saqlash vaziri Tofiq ar-Rabia bayonotida.

Ta'kidlanishicha, 2021 yilda haj amali ado etilishi iyul oyining ikkinchi yarmiga to‘g‘ri kelmoqda. 2020 yilda haj ziyorati pandemiya sababli 10 ming kishi ishtirokidagina o‘tgandi. Ziyoratchilarning 30 foizini saudiyaliklar, 70 foizini esa mamlakatda yashovchi xorijliklar tashkil qilgandi. Xorijiy fuqarolar hajga qo‘yilmagan. Haj amalini ado etishga ruxsat berishda surunkali kasalliklarga ega bo‘lmagan, koronavirusga chalinmagan, avval haj amalini bajarmagan va karantin davrini o‘tashga tayyor bo‘lgan 20 yoshdan 50 yoshgacha kishilarga ustunlik berilgan. Ular orasida koronavirusni boshdan o‘tkazgan shifokorlar ham bo‘lgan.  

2020 yil noyabrdan Saudiya Arabistoni PsR-testi manfiy bo‘lgan va 50 yoshdan katta bo‘lmagan ziyoratchilarni sekin-asta umra ziyoratiga qo‘ya boshlagan.

Top