04:00 / 04.03.2021
6827
Kambek. «Barselona» dramatik o‘yinda «Sevilya»ni mag‘lub etib, Ispaniya Kubogi finaliga yo‘llanma oldi
Foto: AS

Ispaniya Kubogida ilk finalchi nomi ma'lum bo‘ldi. 

Andalusiyada 0:2 hisobida yutqazgan «Barselona» o‘z maydonida iroda ko‘rsatib, «Sevilya» darvozasiga javobsiz 3ta to‘p kiritdi va finalga yo‘l oldi. 

Birinchi bo‘lim boshida Usmon Dembele hisobni ochdi. 73-daqiqada ter Stegen qahramonlik ko‘rsatib, mehmonlar xavbeki Lukas Okamposning penaltisini qaytardi. 90+2-daqiqada Fernando qizil kartochka olib, maydonni tark etdi. 90+4-daqiqada Pike ikki o‘yin natijasiga ko‘ra hisobni tenglashtirib, bahsni qo‘shimcha bo‘limlarga olib bordi. Qo‘shimcha bo‘limda esa Breytueyt g‘alaba to‘pini kiritdi.

Kataloniyaliklar finalda «Levante» — «Atletik» (Bilbaoda 1:1 hisobi qayd etilgan) juftligi g‘olibi bilan to‘qnash kelishadi. 

Ispaniya Kubogi, 1/2 final

Barselona — Sevilya 3:0
3 mart, «Kamp Nou»
Gollar: Dembele (12), Pike (90+4), Breytuyeyt (95). 
Amalga oshirilmagan penalti: Okampos (73). 
Barselona – ter Stegen, Alba, Mingesa (Firpo, 78), Langle, Dest (Grizmann, 63), Pedri (Breytueyt, 89), de Yong, Dembele (Trinkau, 89), Buskets (Moriba, 78), Pike, Messi. 
Sevilya – Vatslik, Akunya (Rekik, 54), Kunde, Diyego Karlos, Oliver Torres (Okampos, 62), Aleish Vidal (Navas, 54), Fernando, Jordan (Munir, 105), Suso (Gomes, 79), de Yong (Rakitich, 54), An-Nosiri.
Ogohlantirishlar: Fernando (37), Mingesa (67), Messi (73), Jordan (100), Kunde (101), An-Nosiri (103), Trinkau (119).
Chetlatish: Fernando (90+2).
Birinchi o‘yin — 0:2.

Top