14:19 / 04.03.2021
3166
Qirg‘iziston prezidentining feysbukdagi akkauntiga buzib kirilgani ma'lum qilindi

Avvalroq parlamentdagi ovoz berish jarayoni to‘g‘risidagi postga foydalanuvchi "Sadir Japarov" deputat Doston Bekeshev to‘g‘risida haqoratli izoh qoldirgani aytilgandi.

Foto: AP/TASS

Qirg‘iziston prezidenti Sadir Japarovning feysbukdagi akkauntiga noma'lum shaxslar buzib kirishgan, deb ma'lum qildi Japarovning matbuot kotibi Galina Bayterek.

"Bu kimsalar turli postlar ostida izohlar qoldirishgan", - deb qo‘shib qo‘ydi u.

 Bayterekning ta'kidlashicha, Japarovning oxirgi izohlarga hech qanday aloqasi yo‘q.

"Akipress"ning xabar berishicha, parlamentdagi ovoz berish jarayoni to‘g‘risidagi postga foydalanuvchi "Sadir Japarov" deputat Doston Bekeshev to‘g‘risida haqoratli izoh qoldirgan.

Sadir Japarov 2020 yilda yuz bergan tartibsizliklardan so‘ng hokimiyat tepasiga kelgandi. U 2021 yil yanvarda o‘tkazilgan prezident saylovida g‘alaba qozondi.

 

 

Top