22:10 / 05.03.2021
4619
Eronda noma'lum shaxs yo‘lovchi samolyotini olib qochmoqchi bo‘ldi

Eronning Islom inqilobi muhofizlari korpusi xodimlari Iran Air aviakompaniyasiga tegishli yo‘lovchi samolyotining olib qochilishi oldini olishdi. Voqea samolyot Ahvazdan Mashhadga yo‘nalayotgan vaqtda yuz bergan.

Foto: Rouzbeh Fouladi / ZUMAPRESS.com / Global Look Press

Ta'kidlanishicha, Fokker 100 samolyoti 4 mart kuni 10 daqiqalik kechikish bilan havoga ko‘tarilgan. Dastlabki ma'lumotlarga ko‘ra, noma'lum shaxs samolyotni Fors ko‘rfazi janubidagi arab davlatlaridan biriga qo‘ndirmoqchi bo‘lgan.

Samolyotni Eronning markaziy qismida joylashgan Isfaxon shahri aeroportida favqulodda qo‘ndirishga muvaffaq bo‘lingan. Jinoyatchi qo‘lga olingan. 

Voqeaning qolgan tafsilotlari oshkor qilinmagan.

Korpus matbuot xizmatida ma'lum qilinishicha, voqea oqibatida hech kim jabrlanmagan. Yo‘lovchilar boshqa samolyot bilan Mashhadga uchib ketishgan. 

Top