08:36 / 10.03.2021
2985
Toshkentga giyohvand modda olib o‘tmoqchi bo‘lgan shaxs Bekobodda ushlandi

Joriy yilning 3 mart kuni Toshkent viloyati IIBB Jinoyat qidiruv boshqarmasi Giyohvandlik vositalariga qarshi kurashish bo‘limi va Bekobod shahar IIB Jinoyat qidiruv bo‘limi xodimlari bilan hamkorlikda navbatdagi «nazorat reyd tadbiri» o‘tkazildi.

Viloyat IIBB axborot xizmati xabariga ko‘ra, tezkor tadbir davomida Toshkent shahrida yashovchi, 1974 yilda tug‘ilgan I.L. tanishi V.Sh.dan Tojikistondan aylanma yo‘llar orqali yashirin tarzda olib o‘tilgan 1 kilogramm «gashish» giyohvandlik vositasini olayotgan vaqtida viloyat IIBB tezkor xodimlari tomonidan Mirobod tumanida ushlangan.

Mazkur holat yuzasidan Bekobod shahar IIB huzuridagi Tergov bo‘limi tomonidan Jinoyat kodeksining 273-moddasi 5-qismi bilan jinoyat ishi qo‘zg‘atildi.

Top