15:29 / 18.03.2021
6904
Sirdaryoda uchta hudud aholisi elektr tarmog‘idan uzilib qoldi

Sirdaryo viloyatida kuchli shamol elektr uzatish tarmoqlariga ham zarar yetkazdi. Bu haqda viloyat hokimligi xabar bermoqda.

Qayd etilishicha, kuchli shamol esishi natijasida Xovos, Boyovut tumanlari va Yangiyer shahridagi elektr uzatish tarmoqlariga zarar yetgan.

Hozirda «Sirdaryo HETK» AJ ishchi xodimlari tomonidan ushbu talafotlarni bartaraf etish choralari ko‘rilayotgani aytiladi.

 

Tez orada elektr tarmog‘idan uzilib qolgan iste'molchilar tarmoqqa qayta ulanishi bildirilgan.

Avvalroq, Sirdaryoda kuchli shamol oqibatida bank binosining tomi qulab tushgani xabar qilingandi

Top