22:55 / 22.03.2021
9913
Erdo‘g‘anning shaxsiy shifokori parvoz vaqtida chaqaloqning hayotini saqlab qoldi 
Foto: aa.com

Turk deputati va shifokor Rajab Shakar parvoz vaqtida qozog‘istonlik chaqaloqning hayotini saqlab qoldi. Bolada yurak xuruji yuz bergan. E'tiborlisi, Shakar Turkiya prezidenti Rajab Toyyib Erdo‘g‘anning shaxsiy shifokori hisoblanadi.

Voqea Istanbul-Bishkek reysida sodir bo‘lgan. Bolada yurak xuruji yuz bergan va bortkuzatuvchilar Shakarga yordam so‘rab murojaat qilishgan.

“Styuardessa kelib, bolaga yordam berishimni so‘radi. Bolaning pulsi yo‘q edi, u ko‘karib ketib, yuragi to‘xtab qolgandi. Men unga yurak massaji qildim, sun'iy nafas berdim, shundan keyin u o‘ziga keldi”, deb aytgan shifokorning o‘zi.

Ma'lum qilinishicha, voqea sababli samolyot Anqaradagi Esenbog‘a aeroportida favqulodda qo‘nishni amalga oshirgan. Samolyot qo‘ngach bola shifoxonaga olib ketilgan. Shakarning ta'kidlashicha, chaqaloq qozog‘istonlik ayolning egizak farzandlaridan biri bo‘lgan.

OAV ma'lumotlariga ko‘ra, Shakar Turkiya prezidenti Rajab Toyyib Erdo‘g‘anning shaxsiy shifokori hisoblanadi. 

 

Top