10:43 / 29.03.2021
16895
Samarqandda is gazidan 4 kishi vafot etdi

Samarqand shahrida is gazidan 5 kishi zaharlangan va ulardan 4 nafari vafot etgan. Bu haqda viloyat prokuraturasi ma'lum qilmoqda.

Ma'lum bo‘lishicha, 28 mart kuni soat taxminan 11:00 larda Samarqand shahri «Maqsud Shayxzoda» mahalla fuqarolar yig‘ini, Lohutiy ko‘chasi 31-uyda vaqtincha yashovchi 5 nafar shaxs xonadonda o‘rnatilgan isitish pechi (golland pechi)dan is gazi ajralib chiqishi natijasida zaharlangan.

Oqibatda, 4 nafar fuqaro vafot etib, 1 nafari kuchli zaharlanish alomatlari bilan Respublika shoshilinch tez tibbiy yordam ilmiy markazi Samarqand filialiga yotqizilgan.

Qayd etilishicha, mazkur holat yuzasidan Samarqand shahar prokuraturasi tomonidan tergovga qadar tekshiruv harakatlari olib borilmoqda.

Top