10:13 / 02.04.2021
16274
Koronavirus: O‘zbekistonda shifoxonaga yotqizilgan bemorlar soni 1300dan oshdi

O‘zbekistonda so‘nggi bir kunda yana 200ga yaqin kishida koronavirusga chalinish holati qayd etildi. 1 aprel qatorasiga besh kun o‘lim holatlari qayd etilishidan keyin ilk bor o‘limsiz kun bo‘ldi. So‘nggi oylarda ilk marta aktiv keyslar soni 1300dan oshdi.

Sog‘liqni saqlash vazirligi 1 aprel kuni O‘zbekistonning 10 hududida jami 189 kishida koronavirus qayd etilgani haqida xabar berdi. 

«2021 yil 1 aprel holatiga ko‘ra, O‘zbekistonda koronavirus infeksiyasi qayd etilganlar soni 83239 (+189) nafarni tashkil etmoqda», deyiladi SSV xabarida.

Yangi kasallanish holatlarining:

  • 2 nafari Qoraqalpog‘iston Respublikasida,
  • 1 nafari Andijon viloyatida,
  • 3 nafari Jizzax viloyatida,
  • 2 nafari Namangan viloyatida,
  • 10 nafari Samarqand viloyatida,
  • 2 nafari Sirdaryo viloyatida,
  • 1 nafari Surxondaryo viloyatida,
  • 2 nafari Farg‘ona viloyatida,
  • 24 nafari Toshkent viloyatida,
  • 142 nafari Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.

Kecha kun davomida:

  • Qoraqalpog‘iston Respublikasida 1 nafar,
  • Buxoro viloyatida 5 nafar,
  • Jizzax viloyatida 1 nafar,
  • Namangan viloyatida 3 nafar,
  • Toshkent viloyatida 17 nafar,
  • Toshkent shahrida 141 nafar bemor tuzalib, kasallikdan sog‘ayganlar jami 81303 (+168) nafarga yetdi va sog‘ayish ko‘rsatkichi 98 foizni tashkil qilmoqda.

Ayni paytda tibbiyot muassasalarida 1306 nafar bemor davolanmoqda, shundan 209 nafari og‘ir, 94 nafari esa o‘ta og‘ir ahvolda.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top