08:27 / 06.04.2021
316
Navoiyda «Muqimiy» filmining premerasi bo‘lib o‘tdi

«O‘zbekkino» Milliy agentligi tashabbusi bilan taniqli kinoijodkorlardan tashkil topgan «Kinokarvon» guruhi Navoiy viloyatiga yetib keldi. 

Kecha, 5 aprel kuni Navoiy shahridagi Yoshlar markazida «O‘zbekkino» Milliy agentligi buyurtmasiga binoan «O‘zbekfilm» DUK tomonidan suratga olingan «Muqimiy» filmining premerasi bo‘lib o‘tdi, deya xabar berdi agentlik axborot xizmati. 

Premeradan oldin film rejissyori, O‘zbekistonda xizmat ko‘rsatgan artist Fotih Jalolov yetuk adibimiz, shoir va jamoat arbobi Muhammad Aminxo‘ja Muqimiyning shaxsi, umr yo‘llari hamda filmning s'yomka jarayonlari haqida so‘zlab bergan.

Namoyishdan so‘ng ijodkorlar ishtirokida suhbatlar, fotosessiyalar tashkil etilgan.

Top