10:41 / 15.04.2021
1750
Qoramol sotgan shaxs 27 ming dollarga chuv tushdi
Foto: KUN.UZ

Kosonsoylik fuqaro uychilik tanishiga sotgan qoramollari pulini to‘liq ololmagani ortidan IIBga ariza bilan murojaat qilgan.

9 aprel kuni, Kosonsoy tumanida yashovchi, 1976 yilda tug‘ilgan fuqaro 2021 yil 8 mart kuni, Uychi tumanida yashovchi, 1983 yilda tug‘ilgan fuqaroga molxonasidan 38 bosh yirik shoxli qoramolini 42 200 dollarga sotib olishga kelishgan. Uychilik shaxs uning ishonchiga kirib, 15 ming dollar berib, mollarni olib ketgan.

Mollarini sotgan shaxs vaqt o‘tsa-da, qolgan 27 200 dollarni bermasdan, aldab kelayotgan xaridorga chora ko‘rishni so‘rab IIBga ariza bilan murojaat qilgan.

Ushbu holat bo‘yicha tuman IIB huzuridagi Tergov bo‘limi tomonidan Jinoyat kodeksining 168-moddasi 4-qismi bilan jinoyat ishi qo‘zg‘atilgan

Top