Eronda koronavirusga qarshi mahalliy vaksina - COVIRAN ommaviy ishlab chiqarilishi boshlandi. Bu haqda «Anadolu» axborot agentligi xabar berdi.
Ma'lum qilinishicha, hozirda vaksinaning 3-bosqich sinovlari borayotganiga qaramay, u ko‘ngillilarga kiritila boshlandi.
Koronavirus bo‘yicha ilmiy kengash rahbari Muhammad Muxbirning ta'kidlashicha, sentyabrgacha ushbu vaksinadan umumiy hisobda 30 mln doza, jumladan, may oyida 1 mln, iyunda 3,5 mln, iyulda 12 mln va avgustda 15 mln doza ishlab chiqarish rejalashtirilgan.
Eron o‘z vaksinasini odamda ilk bor 2020 yil 29 dekabrda sinovdan o‘tkazgan. Unga ko‘ra, vaksina yaxshi natijalar ko‘rsatgani e'lon qilingan.
