Toshkent mexanika zavodi hududida yong‘in sodir bo‘ldi. Bu haqda Favqulodda vaziyatlar vazirligi xabar qildi.
Bugun, 26 aprel kuni Favqulodda vaziyatlar vazirligi navbatchilik qismiga soat 16:32da Toshkent mexanika zavodi hududida sanoat chiqindilari yonayotgani to‘g‘risida xabar kelib tushgan.
Qayd etilishicha, hodisa joyiga zudlik bilan Toshkent shahar Favqulodda vaziyatlar boshqarmasining 2ta yong‘in-qutqaruv guruhi yetib kelgan.
Oqibatda, 60 kvadrat metr maydonga zarar yetgan. Qutqaruvchilarning tezkor harakatlari tufayli yong‘in bir necha daqiqalarda bartaraf etilgan.
Hodisada jabrlangan va qurbonlar yo‘qligi aytiladi.