10:09 / 30.04.2021
45701
Koronavirus: O‘zbekistonda 2021 yilgi antirekord yana yangilandi

Sog‘liqni saqlash vazirligi koronavirus bo‘yicha antirekordlar yangilanayotgani, kunlik kasallik qayd etilishi 402 nafarga yetgani, shifoxonalarda davolanayotganlar 3000 nafardan oshgani va 2 nafar bemor vafot etgani haqida xabar berdi.

«2021 yil 29 aprel holatiga ko‘ra, O‘zbekistonda koronavirus infeksiyasi qayd etilganlar soni 90808 (+402) nafarni tashkil etmoqda», deyiladi xabarda.

O‘tgan yil kuzidan buyon kunlik kasallanish ko‘rsatkichlari 400dan oshmagan, bir vaqtning o‘zida shifoxonalarda davonalayotgan bemorlar soni 3 mingdan oshishi o‘tgan yil yozidan buyon kuzatilmagandi. 2021 yildagi rekord ko‘rsatkich 23 aprel kuni qayd etilgan, o‘sha kuni 399 kishida virus aniqlangandi.

Yangi kasallanish holatlarining:

  • 3 nafari Qoraqalpog‘iston Respublikasida,
  • 5 nafari Andijon viloyatida,
  • 3 nafari Buxoro viloyatida,
  • 8 nafari Jizzax viloyatida,
  • 6 nafari Qashqadaryo viloyatida,
  • 4 nafari Navoiy viloyatida,
  • 4 nafari Namangan viloyatida,
  • 69 nafari Samarqand viloyatida,
  • 6 nafari Sirdaryo viloyatida,
  • 6 nafari Surxondaryo viloyatida,
  • 9 nafari Farg‘ona viloyatida,
  • 6 nafari Xorazm viloyatida,
  • 64 nafari Toshkent viloyatida,
  • 209 nafari Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.

Kecha kun davomida:

  • Andijon viloyatida 18 nafar,
  • Qashqadaryo viloyatida 3 nafar,
  • Navoiy viloyatida 6 nafar,
  • Namangan viloyatida 6 nafar,
  • Samarqand viloyatida 22 nafar,
  • Farg‘ona viloyatida 3 nafar,
  • Xorazm viloyatida 1 nafar,
  • Toshkent viloyatida 42 nafar,
  • Toshkent shahrida 192 nafar bemor tuzalib, kasallikdan sog‘ayganlar jami 87067 (+293) nafarga yetdi va sog‘ayish ko‘rsatkichi 96 foizni tashkil qilmoqda.

Shuningdek, 2 nafar koronavirusga chalingan bemor vafot etib, kasallikdan vafot etganlar soni 649 nafarni tashkil qildi.

Ayni paytda tibbiyot muassasalarida 3092 nafar bemor davolanmoqda.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top