18:37 / 05.05.2021
3662
Navoiyda dahshatli avtohalokat oqibatida 3 kishi vafot etdi

3 may kuni Qiziltepa tumani hududida 3 kishining o‘limi bilan yakun topgan ayanchli avtohalokat sodir bo‘ldi. Bu haqda Kun.uz'ga Navoiy viloyati IIB YHXB axborot xizmati rahbari Farrux Yakubov xabar berdi.

Ma'lum qilinishicha, Kogon-Qiziltepa yo‘nalishida harakatlanib kelgan «Tracker» mashinasi tuman hududidan o‘tgan 4R-63 avtomobil yo‘lining 24-kilometrida yuqori tezlik tufayli yo‘ldan chiqib ketgan.

Mashinadagi yo‘lovchilardan 2 nafari voqea joyida, 1 nafari esa shifoxonada vafot etgan. Hozirda holat yuzasidan haydovchiga nisbatan jinoyat ishi qo‘zg‘atilib, tergov harakatlari olib borilmoqda.
 
Avvalroq Karmana tumanida mast holdagi 58 yoshli fuqaroni «Matiz» mashinasi urib yuborgan, oqibatda u shifoxonada vafot etgandi.

Top