Qashqadaryo viloyati hokimi Zoyir Mirzayev koronavirusdan tuzalgan. Bu haqda viloyat hokimligi axborot xizmati xabar bermoqda.
Avvalroq Qashqadaryo viloyati hokimi Zoyir Mirzayev koronavirus infeksiyasini yuqtirib, Toshkentda davolanayotgan edi. Ma'lum bo‘lishicha, u sog‘ayib Qarshiga qaytgan.
Qayd etilishicha, Zoyir Mirzayevning ahvoli ancha yaxshi. Viloyat hokimligi axborot xizmati rahbari Ahror Sodiqovning xabar berishicha, bugun u 9 may — Xotira va qadrlash kuni munosabati bilan o‘tkaziladigan tadbirlarda qatnashadi va Qarshi shahrida amalga oshirilayotgan obodonlashtirish ishlari bilan tanishadi.