Bolgariya prezidenti Rumen Radev parlamentning tarqatib yuborilishi va 11 iyulda unga muddatdan oldin saylovlar o‘tkazilishi haqidagi farmonni imzoladi.
Bolgariya parlamenti – Milliy majlis 12 maydan tarqatib yuboriladi. Shu kundan boshlab parlamentga saylovlar o‘tkazilgunga qadar mamlakatni texnik hukumat boshqaradi. Texnik hukumatga prezidentning xavfsizlik va mudofaa masalalari bo‘yicha sobiq kotibi Stefan Yanev rahbarlik qiladi.
4 aprelda Bolgariya parlamentiga saylovlar bo‘lib o‘tgandi. Uning natijalariga ko‘ra, hukumatni shakllantirish huquqini hukmron “Fuqarolar Bolgariyaning yevropacha rivojlanishi uchun” partiyasi qo‘lga kiritgan. Biroq partiya buni qilishdan bosh tortgan. Shuningdek, yetakchi muxolif partiya – Bolgariya sotsialistik partiyasi ham shunday qaror qabul qilgan.
