22:18 / 14.05.2021
5108
Google Ilon Maskning sun'iy yo‘ldosh internetidan foydalanish bo‘yicha kelishuvga erishdi

Sun'iy yo‘ldosh interneti tufayli korporatsiya mijozlari ma'lumotlarni uzoq hududlarga tezkorlik bilan uzata oladi. Google Cloud mijozlari yangi servisdan shu yil oxirida foydalanishlari mumkin bo‘ladi.

Google Starlink sun'iy yo‘ldosh internetidan foydalanish bo‘yicha SpaceX kompaniyasi bilan shartnoma tuzdi, deb xabar berdi The Verge nashri.

Ilon Mask kompaniyasi Google Cloud servisining korporativ mijozlariga sun'iy yo‘ldosh internetidan foydalanish imkoniyatini taqdim etadi. SpaceX kelishuv doirasida Google kompaniyasining butun dunyodagi ma'lumotlarni qayta ishlash bulutli markazlarida Starlink terminallarini o‘rnatadi. 

Aniqlik kiritilishicha, sun'iy yo‘ldosh interneti tufayli korporatsiya mijozlari ma'lumotlarni uzoq hududlarga tezkorlik bilan uzata oladi. Google Cloud mijozlari yangi servisdan shu yil oxirida foydalanishlari mumkin bo‘ladi. 

SpaceX hozirga kelib fazoga 1625ta sun'iy yo‘ldosh uchirdi, ularning 1550tasi Yer orbitasida. 

Top