Kun.uz mobil muxbiri tomonidan Andijon shahridagi Andijon davlat universiteti ko‘chasidan poyezd o‘tib ketganidan so‘ng archalar yonib ketgani aytilgan video kelib tushgan edi. Mobil muxbirning aytishicha, poyezddan uchqunlar archalarga sachragan.
Mazkur videoga Andijon viloyati FVV viloyat boshqarmasi tomonidan munosabat bildirildi. Dastlabki ma'lumotga ko‘ra, qurigan o‘tlar yo‘lning chetiga tashlangan sigareta qoldig‘i tufayli yonib ketgan.
Andijon viloyati Favqulodda vaziyatlar boshqarmasining ikkita yong‘in-qutqaruv guruhi yong‘in sodir bo‘lgan joyga yetib borgan va yong‘in qisqa muddatda bartaraf etilgan.
Hodisa oqibatida jarohatlangan va halok bo‘lganlar yo‘q.
