14:18 / 19.05.2021
9441
Namanganda tilla tishlarni o‘g‘irlagan shaxs qo‘lga olindi
Foto: IIB axborot xizmati

Shu yil 14 may kuni Yangiqo‘rg‘on tumanida yashovchi, 1980 yilda tug‘ilgan ayol ariza bilan murojaat qildi, deb xabar bermoqda Namangan viloyati IIB axborot xizmati.

U shu yil 10 may kuni soat 13:30dan soat 15:00gacha bo‘lgan vaqt oralig‘ida noma'lum shaxs yashash uyi hovlisiga devor oshib tushib, xonada bo‘lgan, umumiy narxi 4 600 000 so‘mlik ayollar kiyimlik materiallarini, 3 dona tilla tishlari va 3 dona uyali telefon apparatlarini o‘g‘irlab ketganligini ma'lum qilib, chora ko‘rishni so‘ragan.

Olib borilgan tezkor-qidiruv va surishtiruv harakatlari natijasida, ushbu jinoyatni, Yangiqo‘rg‘on tumanida yashovchi, 1969 yilda tug‘ilgan fuqaro sodir etgani aniqlangan.

Ushbu holat bo‘yicha Yangiqo‘rg‘on tuman IIB huzuridagi Tergov bo‘linmasi tomonidan Jinoyat kodeksining 169-moddasi 2-qismi bilan jinoyat ishi qo‘zg‘atilgan.

Top