15:41 / 20.05.2021
945
Denovda xalq noroziligiga qaramay kesib ketilayotgan quvurlar talon-toroj qilinyaptimi?

Denov tumani Oxunboboyev SIU hududidagi 6 ta mahallaga tabiiy gaz yetkazib berish uchun o‘rnatilgan quvurlarning 1,5 km qismi kesib ketilgan. Quvurni kesib ketganlar o‘zlarini «Hududgaz Surxondaryo» GTF  xodimlari, deb tanishtirgan.

Avvalroq, Namozgoh mahallasi hududidagi gaz quvurlari ham demontaj qilingan edi. Quvurlarni kesib ketish holatlari Surxon Diyor mahallasida ham kuzatilgan.

Ta'kidlanishicha, Denov tuman hokimligi vakili suv quvurlarini kesib olish bo‘yicha kelib chiqqan tortishuvda aholini bu ishlarga aralashmaslikka chaqirgan.

Denov tumani Obodon mahallasida esa quvurlarni kesish uchun borgan shaxslarga aholi norozilik bildirgan. Natijada tuman hokimligidan vakil chaqirilgan.

Ma'lumotlarga ko‘ra, Surxon Diyor mahallasidan kesib ketilgan quvurlar talon-toroj qilinib, bir qismi Andijon viloyatiga noqonuniy ravishda sotilgan bo‘lishi mumkin. Qolgan quvurlar esa xususiy omborxonada saqlanayotgani aytilmoqda.

Top