23:11 / 20.05.2021
10697

Isroil G‘azodagi harbiy amaliyotni to‘xtatmoqchi - OAV

Isroil hukumati misrlik vositachiga G‘azo sektoridagi harbiy amaliyotini to‘xtatmoqchiligini ma'lum qildi. Bu haqda Al Jazeera telekanali o‘z manbalariga tayanib xabar berdi.

Bu orada Isroilning Ynet portali amaliyot 20 yoki 21 maydayoq to‘xtatilishi mumkinligini ma'lum qilgan. 

Qolgan tafsilotlar keltirilmagan. Shu bilan birga, Isroil mudofaa vaziri Beni Gans zarurat yuzaga kelsa, G‘azo sektoriga zarbalar kuchaytirilishi mumkinligini ta'kidlab o‘tgan.

O‘z navbatida, Falastinning Moskvadagi elchisi Abdulhofiz No‘fal Falastin Isroil bilan bevosita muzokaralarga tayyorligini ma'lum qilgan. 

Avvalroq OAVda Isroil G‘azo sektoriga zarba berishni kamaytirayotgani ma'lum qilingan.

Ma'lumotlarga ko‘ra, Isroil va G‘azo sektori o‘rtasida 10 mayda boshlangan navbatdagi qarama-qarshilikning 10 kuni davomida 250dan ko‘proq falastinlik, 12 nafar isroillik halok bo‘lgan.

Mavzu
Isroil va Falastin mojarosi
Yaqin Sharq may oyi o‘rtalarida Falastin-Isroil mojarosining 2014 yildan keyingi eng avj pallasini boshdan kechirmoqda.
Barchasi
Top