23:26 / 21.05.2021
10236
Hindiston «qora mog‘or»ga qarshi kurashish uchun dori izlamoqda

Mukormikoz intensiv davolash bo‘limida yotgan, uzoq vaqt steroidlar qabul qilgan, qand kasalligi bo‘lgan koronavirus bemorlarida aniqlanmoqda.

Foto: AP

Hindiston «qora mog‘or» muammosini bartaraf etishda yordam berishi mumkin bo‘lgan dorilarni izlamoqda. Bu haqda Hindistonning Rossiyadagi elchisi Bala Venkatesh Varma ma'lum qildi.

Uning so‘zlariga ko‘ra, «qora mog‘or» yoki mukormikoz kasalligi koronavirusdan davolash uslublaridagi nojo‘ya ta'sirlar oqibatida kelib chiqqan.

«Biz biror dori vositasi taqdim eta olishi mumkinligini bilish maqsadida Rossiya hukumati bilan ham bog‘landik. Shuningdek, «qora mog‘or» muammosi kelib chiqmasligi uchun koronavirusdan davolash sxemasini o‘zgartirish uslubini izlayapmiz», – ta'kidlagan Varma.

Mukormikoz intensiv davolash bo‘limida yotgan, uzoq vaqt steroidlar qabul qilgan, qand kasalligi bo‘lgan koronavirus bemorlarida aniqlanmoqda.

Hindistonda «qora mog‘or» kasalligi may oyi boshida qayd etilgandi.

Rajaston va Telangana shtatlarida mukormikoz epidemiyasi e'lon qilingan.

Top