18:03 / 24.05.2021
3405
Litva o‘z fuqarolariga Belarusni tark etishni tavsiya qildi

Qayd etilishicha, bu tavsiya Ryanair aviakompaniyasi samolyotining Minskda majburan qo‘ndirilishi va uning bortida bo‘lgan NEXTA Telegram-kanali asoschisi Roman Protasevichning qo‘lga olinishi bilan bog‘liq.

Litva tashqi ishlar vazirligi o‘z fuqarolariga Belarusni zudlik bilan tark etish, bu davlatga borishni rejalashtirganlarga esa rejasidan voz kechishni tavsiya qildi.

Qayd etilishicha, bu tavsiya Ryanair aviakompaniyasi samolyotining Minskda majburan qo‘ndirilishi va uning bortida bo‘lgan NEXTA Telegram-kanali asoschisi Roman Protasevichning qo‘lga olinishi bilan bog‘liq.

Ta'kidlanishicha, Belarus hukumatining bunday harakati nafaqat belarusliklar, balki respublika hududida bo‘lib turgan xorijliklar uchun ham xavflidir.

23 may kuni Afina-Vilnyus yo‘nalishida parvoz qilayotgan Ryanair aviakompaniyasi samolyoti minalashtirilgani to‘g‘risidagi xabardan so‘ng Minsk aeroportiga majburan qo‘ndi. Samolyot aeroportga qo‘nishi bilan uning bortida bo‘lgan Protasevich qo‘lga olindi.

Protasevich ekstremizm va terrorizmda ayblanmoqda. U 15 yilgacha muddatga qamalishi mumkin.

Mavzu
Afina-Vilnyus reysi mojarosi
Minskda Nexta muxolifatchi Telegram-kanali sobiq muharriri Roman Protasevich qo‘lga olindi. U uchayotgan samolyot bomba haqidagi xabar tufayli Belarusga favqulodda qo‘ndirildi. Qo‘nish haqidagi qarorni Lukashenkoning shaxsan o‘zi «Yevropani himoya qilish» uchun qabul qilgan
Barchasi
Top