Joriy yilning iyul oyidan boshlab «Uzbekistan Airways» AJ Samarqand – Istanbul – Samarqand yo‘nalishida haftasiga uch martagacha muntazam qatnovlarni amalga oshiradi. Bu haqda kompaniya matbuot xizmati xabar qilmoqda.
Aviaqatnovlar haftaning dushanba, chorshanba va juma kunlariga belgilangan.
Qayd etilishicha, yo‘lovchilar Samarqand – Istanbul yo‘nalishida aviachiptalarni 2 935 000 so‘mdan sotib olishlari mumkin. Samarqand – Istanbul – Samarqand yo‘nalishida aviachipta narxi 4 282 000 so‘mdan boshlanadi.
