18:20 / 24.06.2021
8487
Koronavirusning hindcha shtammi butun Yevropaga tarqalishi taxmin qilindi

Koronavirusning delta-varianti 60dan ortiq mamlakatda aniqlangan. U koronavirusning dastlabki shtammiga nisbatan 60 foizga yuqumli, deb hisoblanmoqda.

Yevropa kasalliklarning oldini olish va nazorat qilish markazi rahbari Andrea Ammon koronavirusning hindcha shtammi tezlik bilan butun Yevropaga tarqalishini taxmin qildi, deb yozadi The Independent.

Uning so‘zlariga ko‘ra, 2021 yil avgustiga borib, Yevropa hududidagi koronavirus yuqtirish holatlarining 90 foizi virusning delta-variantiga to‘g‘ri keladi. U shuningdek, emlanmaganlar orasida kasallik yuqtirishlar soni keskin o‘sishini aytdi.

Nashrning yozishicha, virusning hindcha shtammi Fransiya va Ispaniyada qayd etilgan. U Belgiya, Italiya va Portugaliyada allaqachon tarqalgan.  

Koronavirusning delta-varianti 60dan ortiq mamlakatda aniqlangan. U koronavirusning dastlabki shtammiga nisbatan 60 foizga yuqumli, deb hisoblanmoqda.

Avvalroq O‘zbekistonda koronavirusning «hindcha» shtammi aniqlangani xabar qilingandi.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top