23:08 / 25.06.2021
4552
Abu-Dabi sayyohlarga bepul emlanishga ruxsat berdi

Birlashgan Arab Amirliklari (BAA) poytaxti Abu Dabi amirligi rasmiylari sayyohlarga COVID-19 koronavirusiga qarshi emlashni bepul amalga oshirishga ruxsat berdi, deya Abu-Dabida tibbiy xizmatlarni taqdim etuvchi SEHA davlat kompaniyasining «ishonch telefoni» orqali «RIA Novosti» xabar berdi.

«Aynan Abu-Dabi rasmiylari tomonidan berilgan vizalari bo‘lgan sayyohlar va Abu-Dabiga yetib kelgach aeroportda viza olish huquqiga ega bo‘lgan mamlakatlarning pasport egalari Abu Dabida yana bir oy qolishlariga yoki yana kelishlariga imkoni bo‘lganda Xitoyning Sinopharm yoki Pfizer/BioNTech kompaniyalari vaksinalarining bir yoki ikkita dozasi bilan bepul emlanish uchun maxsus dastur orqali ro‘yxatdan o‘tishlari mumkin», — dedi agentlik suhbatdoshi.

Kompaniyaning ta'kidlashicha, emlanish uchun BAAdan tashqarida bo‘lib, endigina Abu-Dabiga kelishni rejalashtirayotganlar ham ro‘yxatdan o‘tishlari mumkin. Ushbu ruxsat faqat Abu-Dabi rasmiylarining sayyohlik vizalarini olgan sayyohlar uchun amal qiladi. BAAning olti amirligi, shu jumladan, Dubay bundan mustasno.

Hozirda Xitoy, Germaniya va AQSh kabi 27 mamlakat sayyohlari Abu-Dabiga kelgandan keyin karantindan o‘tishlari talab etilmaydi.

Iyun oyining boshidan Abu-Dabida har qanday tadbirlar, shuningdek restoran va katta-katta supermarketlarga kirish uchun koronavirusga qarshi emlangan bo‘lish yoki COVID-19 ga manfiy test natijasini taqdim etish kerak, u esa atigi uch kun amal qiladi.

Avvalroq BAA Sog‘liqni saqlash vazirligi mamlakat aholisining 85% kamida bir doza bo‘lsa ham COVID-19 vaksinasini olganini ma'lum qilgandi. Pandemiya davrida mamlakatda 622,5 mingdan ortiq COVID-19 kasalligi aniqlandi, 1782 bemor vafot etdi, 601,3 mingdan ortiq kishi koronavirus infeksiyasidan tuzaldi.

Mavzu
Koronavirus
2019 yilning dekabr oyi oxirida Xitoyning Uxan shahrida noma’lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Mavzuga oid
Top