18:01 / 02.07.2021
6602
Emlashdan 2 hafta o‘tgach, immun hujayralar paydo bo‘la boshlaydi – shtab

Koronavirusga qarshi vaksinaning 1-bosqichini olganlarda immunitet hujayralar paydo bo‘lishi 2 haftadan so‘ng boshlanib, 2 oygacha davom etishi mumkin. Bu haqda AOKAda o‘tkazilgan brifingda Koronavirusga qarshi kurashish shtabi a'zosi Sevara Ubaydullayeva ma'lum qildi.

Foto: Innovatsion rivojlanish vazirligi

Shtab a'zosi koronavirusga qarshi emlangach insonda immun tizimning himoyasi oshishi 2 haftadan so‘ng boshlanishi, ba'zi holatlarda bu 3 oygacha davom etishi mumkinligini ta'kidladi.

“Koronavirusga qarshi vaksinani olgach, birdaniga immunitet paydo bo‘lmaydi. Vaksinaning 1-bosqichini olganlarda immunitet hujayralar paydo bo‘lishi vaksina olgan kunidan 14 kun oralig‘ida ko‘tarilishni boshlaydi va uning maksimal ko‘tarilish darajasi oxirgi bosqich (ya'ni 2- yoki 3-bosqich) vaksinani olgandan so‘ng 2 oy o‘tib maksimal darajaga chiqadi. Vaksinadan so‘ng immun tizimi himoyalanishining davomiyligi yuzasidan olimlar ish olib borishmoqda. Vaqt o‘tib immun hujayralarni saqlanish muddatlari haqida aniq ma'lumotlar chop etiladi.

Bugungi kunda mavjud ma'lumotlardan olimlarning taxminlari e'lon qilingan. Ularning taxminlariga ko‘ra, ba'zi vaksinalar 1 yil, ba'zilari 2 yil, ba'zi vaksinalar esa umrbod immun himoya hosil qiladi”, dedi Sevara Ubaydullayeva.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top