18:39 / 03.07.2021
10294
AQSh Kobuldagi elchixonasi xodimlarini zudlik bilan evakuatsiya qilish rejasini ishlab chiqmoqda

Ushbu reja "AQSh elchixonasini qo‘riqlayotgan Amerika harbiylari va Afg‘oniston hukumat kuchlari "Tolibon" hujumiga dosh berolmay qolishi ehtimoli uchun tuzilmoqda. 

Amerika harbiy qo‘mondonligi Afg‘onistondagi elchixonasi xodimlarini “Tolibon” harakati tomonidan hujum bo‘lganida zudlik bilan evakuatsiya qilish rejasini tayyorlamoqda. Bu haqda o‘z manbalariga tayanib The Wall Street Journal xabar berdi.

Nashrning qayd etishicha, AQSh rahbariyati oxirgi paytda Afg‘onistondagi diplomatlari va harbiylarini majburiy evakuatsiya qilish rejasini ishlab chiqishni tezlashtirdi.

Gazetaning aniqlik kiritishicha, ushbu reja "AQSh elchixonasini qo‘riqlayotgan Amerika harbiylari va Afg‘oniston hukumat kuchlari "Tolibon" hujumiga dosh berolmay qolishi ehtimoli uchun tuzilmoqda.  

AQSh prezidenti Jo Bayden 14 aprel kuni Afg‘onistondagi harbiy operatsiyani yakunlashga qaror qilganini bildirdi. May oyida Afg‘onistondagi AQSh qo‘shinlarini olib chiqib ketish boshlandi. Qo‘shinlar 11 sentyabrgacha Afg‘onistonni to‘liq tark etishi rejalashtirilgan.

Mavzu
AQShning Afg‘onistondan ketishi
AQSh Afg‘onistonda 20 yil davom etgan harbiy kampaniyasini tamomlamoqda. Toliblar esa mamlakat hududlarini birin-ketin egallab olmoqda.
Barchasi
Top