15:35 / 08.07.2021
7393
Fransiya YeI mamlakatlarini Rossiya va Xitoyning koronavirusga qarshi vaksinalarini tan olmaslikka chaqirdi

Ta'kidlanishicha, Fransiya hududiga respublika hukumati ishonch bildirgan vaksinalar bilan emlangan odamlargina kirishi mumkin. Hozirda Fransiya va Yevropada to‘rtta vaksina tan olingan.

Foto: Bloomberg

Parij Yevropa Ittifoqi Rossiya va Xitoyda ishlab chiqarilgan koronavirusga qarshi vaksinalarni tan olmasligi kerak deb hisoblaydi. Fransiya tashqi ishlar vazirligi davlat kotibi Kleman Bon France 2 telekanali orqali qilgan chiqishida ana shunday fikr bildirdi.

Uning ta'kidlashicha, Fransiya hududiga respublika hukumati ishonch bildirgan vaksinalar bilan emlangan odamlargina kirishi mumkin. Hozirda Fransiya va Yevropada to‘rtta vaksina tan olingan.

Koronavirusga qarshi boshqa, xususan, Rossiya va Xitoy vaksinalariga esa «yo‘q» deyish kerak, deb qo‘shimcha qildi diplomat.

U shuningdek, Fransiya boshqa mamlakatlardan bo‘ladigan aviaqatnovlarni bekor qilmasligini aytdi.

«Biz Braziliya bilan aviaqatnovlarni to‘xtatdik, ammo bu uzoq davom etishi mumkin emas. Bu juda murakkab jarayon va shu bilan birga, mazkur davlat fuqarolari Fransiyaga boshqa mamlakatlar orqali kelishi imkoniyati saqlanib qoladi», – dedi u.

Top