20:08 / 09.07.2021
4727
Pfizer va BioNTech koronavirusning delta-shtammiga qarshi vaksina ishlab chiqdi

Pfizer va BioNTech kompaniyalari koronavirusga qarshi o‘z vaksinasining buster varianti ustida izlanishlar olib bormoqda. Yangi variant mavjud vaksinaning samaradorligini oshiradi va u dunyoning 100ga yaqin davlatida tarqalgan delta-shtammga (hindcha) qarshi qo‘llash uchun mo‘ljallangan.

Kompaniyalar bayonotida ta'kidlanishicha, hozirgi ikki komponentli vaksina koronavirusning hozirda ma'lum bo‘lgan barcha shtammlari, jumladan, delta-shtammdan “eng yuqori himoyani” ta'minlay oladi. Biroq kompaniyalar “hushyor qolib”, o‘z vaksinasining yangilangan variantini ishlab chiqishga qaror qildi.

“Isroil sog‘liqni saqlash vazirligi e'lon qilgan ma'lumotlarga ko‘ra, vaksina samaradorligi emlashdan 6 oy keyin pasaygan, delta-shtamm esa mamlakatda birinchi o‘ringa chiqmoqda”, deb aytilgan bayonotda.   

Ta'kidlanishicha, vaksinaning yangilangan varianti ilk partiyasi sinovlar uchun tayyor. Sinovlar mutasaddi idoralar tomondan ma'qullangandan keyin avgust oyidayoq boshlanishi mumkin.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top