Statqo‘mga ko‘ra, 2021 yil yanvar-iyun oylarida jami 54 693ta korxona va tashkilotlar yangi tashkil etilgan.
Davlat statistika qo‘mitasi joriy yilning birinchi yarim yilligida iqtisodiy faoliyat turlari, sog‘likni saqlash va ijtimoiy sohada yangi tashkil etilgan korxonalar to‘g‘risida ma'lumot berdi.
Unga ko‘ra:
- 2021 yilning 1 iyul holatiga sog‘liqni saqlash va ijtimoiy xizmatlar sohasida 899 ta yangi korxona va tashkilotlar tashkil etildi;
- Ushbu sohada jami faoliyat ko‘rsatayotgan korxona va tashkilotlar soni 9 844 tani tashkil etmoqda;
- O‘tgan yilning mos davriga nisbatan (ushbu sohada) yangi tashkil etilgan korxonalar 9,2 foizga o‘sgan;
- Sog‘likni saqlash va ijtimoiy sohada eng ko‘p korxonalar Toshkent shahri (75 ta), Farg‘ona viloyati (103 ta), Samarqand viloyatida (87 ta) tashkil etilgan.
- Iqtisodiy faoliyat turlari bo‘yicha yangi tashkil etilgan korxonalar joriy yilning birinchi yarmida eng ko‘p savdo sohasida tashkil etilgan - 18 726 ta;
- Bundan tashqari, qishloq, o‘rmon va baliqchilik xo‘jaligida – 7 814 ta, qurilishda – 3 614 ta, yashash va ovqatlanish bo‘yicha xizmatlarda – 3 345 ta, axborot va aloqada – 1 319 ta, tashish va saqlashda – 1 319 ta, boshqa sohalarda – 6 537 ta yangi korxonalar tashkil etilgan;
- 2021 yil yanvar-iyun oylarida (fermer va dehqon xo‘jaliklarisiz) jami 54 693 ta korxona va tashkilotlar yangi tashkil etilgan, bu o‘tgan yilga nisbatan 13 foizga ko‘proq degani;
- Hududlar kesimida eng ko‘p tashkil etilgan yangi korxonalar Toshkent shahri ( 9 139 ta), Qashqadaryo (6 637 ta) va Samarqand viloyati (5 260 ta)ga to‘g‘ri keladi.
