14:33 / 19.07.2021
5628
Pokistonda sodir bo‘lgan YTHda 30 kishi halok bo‘ldi

Qirqdan ortiq kishi jarohatlangan, to‘rt kishining ahvoli og‘ir deb baholanmoqda.

Pokistonning Panjob viloyatidagi trassada yuk mashinasi va yo‘lovchi avtobus to‘qnashuvi sodir bo‘ldi.

Dawn gazetasining xabar berishicha, to‘qnashuv natijasida kamida 30 kishi halok bo‘lgan va qirqdan ortiq kishi jarohatlangan.

Xabarda aytilishicha, to‘rt kishining ahvoli og‘ir deb baholanmoqda.

Pokiston ichki ishlar vaziri Shayx Rashid halok bo‘lganlarning oila a'zolariga ta'ziya bildirgan. Ma'lumot berilishicha, halok bo‘lganlar Qurbon hayitini nishonlash uchun uylariga ketayotgan bo‘lgan.

Top