18:33 / 22.07.2021
1361
Surxondaryoda odamlarning chorva mollarini olib, pulini bermagan shaxsga jinoiy ish qo‘zg‘atildi
Foto: KUN.UZ

Surxondaryo viloyati Boysun tumanida odamlarning chorva mollarini olib, pulini bermagan shaxsga jinoiy ish qo‘zg‘atilgan. Bu haqda viloyat IIB axborot xizmati xabar bermoqda.

Ma'lum qilinishicha, 2021 yil 15 iyun kuni Boysun tumani Shifobuloq mahallasida yashovchi N.Matlab va Sh.Abdilar tuman IIBga ariza bilan murojaat qilgan. Ular o‘z murojaatida 2020 yil aprel oyida Boysun tumani Ariqusti mahallasida yashovchi, X.Sharof ismli shaxs ularning ishonchiga kirib, Sh.Abdining 1 bosh ho‘kizini 10 million 800 ming  so‘mga va N.Matlubning 1 bosh qo‘yini 1 million 150 ming so‘mga va yana 15 bosh qo‘zini 17 million 250 ming so‘mga hisoblab, olib ketganini, ammo pullarni bermay, o‘z ehtiyojlariga ishlatib yuborganligini bildirgan.

Qayd etilishicha, joriy yil 6 iyul kuni X.Sharofga nisbatan Jinoyat kodeksining 168-moddasi 3-qismi «b» bandi bilan jinoyat ishi qo‘zg‘atilgan.

Top