Avvalroq Zabihulla Mujohid harakat Turkmaniston va Eron bilan chegarani to‘liq o‘z nazoratiga olganini aytgandi.
Foto: Reuters
«Tolibon» harakati Afg‘oniston hukumatini xalq vakillari kengashi orqali shakllantiradi. Bu haqda harakat rasmiy vakili Zabihulla Mujohid ma'lum qildi.
«Biz odamlarning muammolarini hal qilish uchun davlat tuzumini o‘rnatamiz. Islom hukumati va biz istayotgan hukumat xalq vakillaridan iborat kengash orqali shakllantiriladi», — dedi Mujohid.
Avvalroq Mujohid harakat Turkmaniston va Eron bilan chegarani to‘liq o‘z nazoratiga olganini aytgandi.
Uning so‘zlariga ko‘ra, Turkmaniston va Eron bilan hamda Pokiston bilan (bir nechta kichik uchastkalardan tashqari) chegara to‘laligicha toliblar nazoratida. Bundan tashqari, Tojikiston bilan chegara Badaxshondan Tohargacha, O‘zbekiston bilan chegaraning katta qismi harakat nazoratiga o‘tgan.
