15:15 / 26.07.2021
10108
Afg‘onistonda o‘tgan olti oy davomida tinch aholining halok bo‘lishi rekord ko‘rsatkichni tashkil etdi

Qariyb 5,2 ming kishi halok bo‘lgan va yaralangan, ularning yarmiga yaqini may va iyun oylariga to‘g‘ri keladi.

2021 yilning birinchi yarmida Afg‘onistonda tinch aholi orasida qurbonlar soni rekord darajaga yetdi. Bu haqda BMTning Afg‘onistonga ko‘mak berish missiyasi ma'lum qildi.

Ma'lumotlarga ko‘ra, yil boshidan buyon 1659 nafar kishi halok bo‘lgan, 3254 nafar kishi yaralangan. Bu o‘tgan yilning birinchi yarmidagiga nisbatan 47 foizga ko‘proq.

Halok bo‘lganlarning qariyb yarmi ayollar va bolalardir. O‘tgan yarim yil davomida 468 nafar bola va 219 nafar ayol halok bo‘lgan.

Qayd etilishicha, may-iyun oylarida tinch aholi orasidan 783 kishi halok bo‘lgan va 1609 kishi yaralangan.

Jangarilarning qo‘lbola portlovchi qurilmalari, harbiy to‘qnashuvlar va Afg‘oniston harbiy-havo kuchlarining aviazarbalari o‘limlar va jarohatlarning asosiy sabablari sifatida ko‘rsatilgan. 

Mavzu
AQShning Afg‘onistondan ketishi
AQSh Afg‘onistonda 20 yil davom etgan harbiy kampaniyasini tamomlamoqda. Toliblar esa mamlakat hududlarini birin-ketin egallab olmoqda.
Barchasi
Top