08:58 / 29.07.2021
1750
Navoiyda “Nexia” ag‘darilib ketdi. Yo‘lovchi vafot etdi

Nurota tumanida inson o‘limi bilan bog‘liq avtohalokat sodir bo‘ldi. Bu haqda IIV YXHBB xabar bermoqda.

Ma'lum qilinishicha, 2021 yil 28 iyul kuni soat 16:20 larda haydovchi, 1978 yilda tug‘ilgan B.P. “Nexia” mashinasida Nurota tumani, Qadoq mahallasi hududidan o‘tgan 4R-55 avtomobil yo‘lining 76-kilometrida harakatlanayotib, boshqaruvni yo‘qotgan. Buning oqibatida “Nexia” yo‘ldan chiqib ketib ag‘darilgan.

Mashinada yo‘lovchi sifatida kelayotgan, 1982 yilda tug‘ilgan X.K. og‘ir tan jarohatlari olib, voqea joyida vafot etgan. 

Holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.

Oldinroq Qiziltepa tumani hududida 3 kishining o‘limi bilan yakun topgan ayanchli avtohalokat sodir bo‘lgandi.

Top