19:59 / 30.07.2021
7157
Afg‘oniston g‘arbida BMT shtabiga hujum qilindi

Ma'lumot berilishicha, shtabga granatomyot va artilleriya yordamida hujum qilingan.

Foto: Paula Bronstein/Getty Images

Birlashgan Millatlar Tashkiloti Afg‘onistonning Hirot shahridagi shtabiga amalga oshirilgan hujumni qoraladi.

BMTning Afg‘onistonga yordam ko‘rsatish missiyasi xabariga ko‘ra, hujum oqibatida bir nafar politsiyachi halok bo‘lgan va bir necha ofitser yaralangan.

Ma'lumot berilishicha, shtabga granatomyot va artilleriya yordamida hujum qilingan.

"Ushbu hujumni amalga oshirganlar aniqlanishi va javobgarlikka tortilishi lozim", - dedi missiya rahbari Debora Layons.

Shuningdek, xabar qilinishicha, hujum amalga oshirilgan hududda toliblar va hukumat qo‘shinlari o‘rtasida janglar bo‘lib o‘tgan.

Mavzu
AQShning Afg‘onistondan ketishi
AQSh Afg‘onistonda 20 yil davom etgan harbiy kampaniyasini tamomlamoqda. Toliblar esa mamlakat hududlarini birin-ketin egallab olmoqda.
Barchasi
Top