15:57 / 01.09.2021
14319

Afg‘onistonlik qochqinlarni unga qo‘shni mamlakatlar qabul qilishi kerak – YeI

Afg‘onistonga qo‘shni mamlakatlar qochqinlarni o‘z hududlarida joylashtirishi uchun Yevroittifoq bu mamlakatlarga mablag‘ ajratishni rejalashtirmoqda. 

Yevropa ittifoqi afg‘onistonlik qochqinlarni unga qo‘shni mamlakatlar qabul qilishi kerakligini bildirdi.

Qayd etilishicha, Yevroittifoq tashqi ishlar vazirlari Afg‘onistondagi voqealarni muhokama qildi.

Bryusseldagi uchrashuvda qabul qilingan bayonotda aytilishicha, afg‘onistonlik himoyaga muhtoj odamlar himoyasini unga qo‘shni mamlakatlar ta'minlashi lozim. Hozirda YeI bu masala bo‘yicha aniq majburiyatni o‘z zimmasiga olmoqchi emas.

Shuningdek, Afg‘onistonga qo‘shni mamlakatlar qochqinlarni o‘z hududlarida joylashtirishi uchun Yevroittifoq bu mamlakatlarga mablag‘ ajratishni rejalashtirmoqda. 

Bayonotga ko‘ra, YeI davlatlarining o‘zlari taklif qilgan taqdirdagina afg‘onistonlik qochqinlar bu davlatlarga ko‘chirilishi mumkin.

Mavzu
AQShning Afg‘onistondan ketishi
AQSh Afg‘onistonda 20 yil davom etgan harbiy kampaniyasini tamomlamoqda. Toliblar esa mamlakat hududlarini birin-ketin egallab olmoqda.
Barchasi
Top