Rossiyaning Qozon shahrida birinchi MDH o‘yinlariga start berildi.
Turnirning dastlabki kunida o‘zbekistonlik sportchilar 5ta medalni qo‘lga kiritishdi. E'tiborlisi, barcha sovrindorlar yunon-rum kurashi vakillari bo‘lishdi.
Murod Alijonov (-77 kg) va Muhammadqodir Rasulov (-82 kg) kumush medal sohibiga aylangan bo‘lishsa, Abror Otaboyev (-63 kg), Jamol Jumaboyev (-72 kg) va Temur Nasimov (-130 kg) bronza medaliga sazovor bo‘lishdi.
Bugun, 4 sentabr kuni musobaqaning ochilish marosimi bo‘lib o‘tadi. Turnir 11 sentyabrgacha davom etadi.