10:22 / 10.09.2021
1447
Samarqanddagi Siyob dehqon bozorida sotuvchilar joy talashib o‘zaro mushtlashdi

Samarqand shahrida joylashgan Siyob dehqon bozorida sotuvchilar joy talashib o‘zaro mushtlashgan. Bu haqda viloyat IIB axborot xizmati xabar bermoqda.

Ma'lum qilinishicha, 2021 yil 5 sentabr kuni Samarqand shahrida joylashgan Siyob dehqon bozorida savdo qiluvchi sotuvchilar savdo joyini talashib, bir-birini haqorat qilgan. So‘ng ular o‘rtasida janjal yuzaga kelib, bir nechta sotuvchi bir-birini urgan.

Qayd etilishicha, hodisa joyiga zudlik bilan IIB xodimlari yetib borib, kelishmovchilikni bartaraf etgan. Janjal ishtirokchilariga nisbatan tegishli hujjatlar rasmiylashtirilgan. Hozirda holat yuzasidan tergovga qadar tekshiruv harakatlari olib borilmoqda.

Top