14:47 / 11.09.2021
21234
Marshal Do‘stum jahon hamjamiyatini «Tolibon» tuzgan hukumatni tan olmaslikka chaqirdi

Abdul Rashid Do‘stum BMTga ham murojaat qilgan.

Foto: Tolo News

Afg‘onistonlik marshal Abdul Rashid Do‘stum jahon hamjamiyatini «Tolibon» harakati tuzgan hukumatni tan olmaslikka chaqirdi, deb xabar berdi Interfaks.

«Men jahon hamjamiyati va barcha qo‘shnilarimizni, ayniqsa, shimol va shimoli-g‘arbdagi qo‘shnilarimizni Afg‘onistondagi terrorchi davlat, hukumati global terrorchilardan tashkil topgan davlatni tan olishga shoshilmaslikka chaqiraman», — deyiladi Do‘stumning Twitter’dagi murojaatida.

U shuningdek, BMTga ham murojaat qilgan.

«Men BMTdan jim turmasligini so‘rayman. Agar Panjsherga gumanitar yordam yetib bormasa, falokat yuz beradi», — degan Do‘stum.

Do‘stum «qora ro‘yxatdagi terrorchilar»dan Panjsherdagi etnik tozalov va qatliomni to‘xtatish, vodiy darvozalarini ochish va ommaviy axborot vositalariga vaziyatni yoritish uchun imkon berishni talab qilgan.

Mavzu
AQShning Afg‘onistondan ketishi
AQSh Afg‘onistonda 20 yil davom etgan harbiy kampaniyasini tamomlamoqda. Toliblar esa mamlakat hududlarini birin-ketin egallab olmoqda.
Barchasi
Mavzuga oid
Top