11:51 / 24.09.2021
21690
Shavkat Mirziyoyev qo‘shni davlatlar bilan munosabatlardagi murakkabliklar haqida gapirdi

Shavkat Mirziyoyev Samarqandda saylovchilar bilan uchrashuv chog‘ida qo‘shni davlatlar bilan munosabatlardagi murakkabliklar haqida gapirdi. Bu haqda Kun.uz muxbiri xabar bermoqda.

“Tojikistonga borganimizda qancha uchrashuvlar o‘tkazganimizdan xabaringiz bor. Turkmaniston prezidenti, hurmatli Gurbanguli Berdimuhamedov o‘sha yerda O‘zbekistonga tashrif buyurishini ma'lum qildi. Suv masalasida, chegara masalasida juda muhim muammolarni yechib olishimiz kerak. Qirg‘iziston bilan chegara muammosini sobiq prezident Almaz Atamboyev bilan 57 foizga hal qilgan edik. Qolgan qismi ustida amaldagi prezident Sadir Japarov bilan yechyapmiz.

Oldin shunday harakatlar qilarmidik? Chegaralarimizda minalar bor edi-ku! Rivojlangan, yirik davlatlar bilan do‘stona aloqalar o‘rnatmoqchi bo‘lsak, ular bizga – agar o‘z qo‘shnilaring bilan do‘st bo‘la olmasang, qanday qilib bizga do‘st bo‘lasan, demaydimi?

Bu harakatlarning hammasi xalqimiz uchun. Hammasining tagida inson manfaatlari, erkinligi, inson qadri yotibdi”, – deya prezidentlikka nomzodning so‘zlaridan iqtibos keltirmoqda Kun.uz muxbiri.

Mavzu
Saylov-2021
Saylov qonunchiligiga kiritilgan o‘zgartishlarga ko‘ra saylovlar oktyabr oyi uchinchi o‘n kunligining birinchi yakshanbasida o‘tkazilishi belgilandi. 2021 yilgi prezidentlik saylovi 24 oktyabrga to‘g‘ri kelmoqda.
Barchasi
Top