Joriy yil 9 oy davomida Samarqand shahrida 124ta yong‘in sodir bo‘lgan. Bu haqda Samarqand shahar favqulodda vaziyatlar bo‘limi boshlig‘ining o‘rinbosari Ilhom Hamroyev ishtirokida o‘tkazilgan brifingda ma'lum qilingan.
Qayd etilishicha, joriy yil 6 oktabr kuni Samarqand shahar favqulodda vaziyatlar bo‘limi boshlig‘ining o‘rinbosari Ilhom Hamroyev ishtirokida brifing o‘tkazilgan. Brifingda I.Hamroyev 9 oy davomida qilingan ishlar va sodir bo‘lgan yong‘inlar haqida hisobot bergan.
I.Hamroyevning ma'lum qilishicha, joriy yil 9 oy davomida Samarqand shahridagi 60 ming 372ta xonadonda profilaktika ishlari olib borilishiga qaramay 124ta yong‘in sodir bo‘lgan. Yong‘inlarning asosiy qismi ochiq olovdan foydalanishda, elektr moslamalarni o‘rnatish va foydalanish qoidalariga amal qilmaslik, yosh bolalarning qarovsiz qoldirilishi oqibatida sodir bo‘lgan.
Avvalroq, Samarqand viloyatida joriy yil 8 oy davomida 712ta yong‘in sodir bo‘lgani va ularning 90tasida yong‘in kelib chiqishiga yosh bolalar sabab bo‘lgani ma'lum qilingandi.
