21:28 / 15.10.2021
5480
Alisher Qodirovning ishonchli vakillari joylarda saylovchilar bilan uchrashishdi

«Milliy tiklanish» demokratik partiyasidan O‘zbekiston Respublikasi prezidentligika nomzod Alisher Qodirovning ishonchli vakillari bugun hududlarda saylovchilar bilan uchrashishdi.

Partiya matbuot xizmatining xabar berishicha, bugun Alisher Qodirovning Farg‘ona viloyati bo‘yicha ishonchli vakili, partiyaning Farg‘ona viloyat Kengashi raisi Xursandoy Islomova saylovchilar bilan uchrashgan.

Foto: "Milliy tiklanish" demokratik partiyasi

Nomzodning Toshkent viloyatidagi ishonchli vakili Munira Qoriyeva Yangiyo‘l shahri saylovchilari bilan uchrashdi.

Foto: "Milliy tiklanish" demokratik partiyasi

Qoraqalpog‘iston Respublikasi Mo‘ynoq tumani Yoshlar markazida MTDPdan prezidentlikka nomzod A.Qodirovning ishonchli vakili Tajibay Romanovning saylovchilar bilan uchrashuvi bo‘lib o‘tdi.

Foto: "Milliy tiklanish" demokratik partiyasi

Uchrashuvda ishonchli vakil tomonidan nomzodning Saylovoldi dasturi mazmun-mohiyati haqida ma'lumotlar berilib, ishtirokchilarning savollariga javob qaytarildi.

Partiyaning Xorazm viloyati Kengashi tomonidan Xonqa tumanida «Qadriyatlarga tayangan taraqqiyot!» shiori ostida targ‘ibot tadbiri bo‘lib o‘tdi.

Mavzu
Saylov-2021
Saylov qonunchiligiga kiritilgan o‘zgartishlarga ko‘ra saylovlar oktyabr oyi uchinchi o‘n kunligining birinchi yakshanbasida o‘tkazilishi belgilandi. 2021 yilgi prezidentlik saylovi 24 oktyabrga to‘g‘ri kelmoqda.
Barchasi
Top